Kolliderte med autovernet
Politiet siste døgn: Funn av narkotika, søk etter sakna mann, trafikkulykke i Kolskogen og ei kvinne som ikkje hadde skrapt frontruta godt nok.
Laurdag på dagtid fann politiet narkotiske tablettar under ransaking på ei privat adresse.
Ein mann i 30-åra er mistenkt og det er oppretta sak. Vedkomande blei ikkje pågripen då det er snakk om mindre mengder.
Søkte etter mann i 60-åra
Ein mann i 60-åra, som er dement, blei meldt sakna i går.
– Etter rundt ein time blei han funnen gåande langs vegen, opplyser vakthavande ved Os lensmannskontor.
Køyrde i autovernet
Klokka 23.42 fekk politiet melding om trafikkulykke i Kolskogen. Om lag samtidig fekk Midtsiden tips om at ein bil hadde kollidert nær krysset mellom Industrivegen og Os vgs, for så å stikka av.
– Det er ikkje notert noko forsøk på avstikk i loggen. Patruljen rykte ut og snakka med bilførar, som var uskadd og edru. Det er ikkje oppretta sak.
Fekk forelegg grunna is på frontruta
I Os sentrum blei ei kvinne stoppa seinare på natta, klokka 03.19.
– Ho hadde ikkje skrapt frontruta godt nok og hadde dermed for dårleg sikt. Førar fekk forenkla forelegg.
– Du risikerer å bli meldt og å mista førarkortet om du køyrer bil med for mykje is på ruta, åtvarar politiet.