Kø og kaos rundt Os sentrum
Vanskelege forhold opp Hatvikvegen får følgjer i sentrum, på Byvegen og Mobergsbakken.
Søndag var det krevjande køyreforhold fleire stadar i Os. Måndag morgon held vanskane fram.
– Det ser ut til å vera kaos i Mobergsbakken. Her er det fleire som har problem, seier tipsar.
Oppdatert kl 09.39: Det ser no ut til å gå trafikk begge retningar på Hatvikvegen nær Os sentrum. Klokka 09.51 blei det stadfesta av politi at vegen er opna.
Oppdatert kl 08.49: Hatvikvegen er no stengt retning Hatvik frå Os sentrum.
Oppdatert kl 08.14: Hovudproblemet er opp Hatvikvegen frå Os sentrum. Politiet opplyser at det er rundt ti bilar som ikkje kkem seg opp, og må bergast.
Det får følgjer ned i Os sentrum, med køar på Byvegen og Hatvikvegen.
Køane strekk seg i 08.40-tida til Moberg og til rundkøyringa ved Meny.
– Det er òg svært glatte parti andre stadar, som Byvegen mellom Søfteland og Flåten, legg han til.
