Knappe 400 gjekk Ulvenmarsjen
Debutantar, utlendingar og veteranar gjekk 14 km rundt Os i helga, enkelte for 39. gang på rad.
Bildeserie:
Laurdag og søndag blei Ulvenmarsjen arrangert for 39. år på rad.
I år var det 378 deltakarar, 143 om laurdagen og 235 om søndagen, mot 447 i fjor.
– Vi hadde håpa på 400 til 500 deltakarar, men i forhold til det kalde, våte og vekslande vêret, og kollisjon med andre arrangement, så er vi nøgde, seier Erling Andersen frå Søfteland TIL.
Hilmar Eidebakken fekk utmerking for å ha gått 25 år.
Bjørn Helgesen var eldste deltakar. Han er 86,5 år.
Alle dei 6 som har gått alle dei 38 marsjane før årets start, gjekk for 39. gong.
Vanskelege oppgåver
I år var det 30. gong at det var oppgåver å løysa på marsjen.
Rundt ti deltakarar hadde 6 rette, 35 deltakarar hadde 5 rette.
Cirka 20 frivillige jobba dugnad under marsjen, like mange jobba dugnad i forkant, blant anna med distribusjon av avis til marsjen.
Om Ulvenmarsjen
Start og mål: Os ungdomsskule
Lengde: 14 km frå ungdomsskulen nord langs Byvegen, via Industrivegen, Ulven, Skeie og Moberg til ungdomsskulen
Start: Laurdag frå klokka 14, søndag frå klokka 10.
Første gong arrangert: I 1974 av dåverande Moberg IL, kun med konkurranseklasse
I perioden 1979-1987 gjekk løypa motsatt veg av kva den gjer i dag.
Rekordår: 1982 med 1220 deltakarar
Premieringar (i forkat av 2017-marsjen): 8 deltakarar har gått minst 35 år på rad, 6 deltakarar har gått alle 38 åra