Laurdag formiddag regna det i Os, i ettermiddag kom det frost.
Fleire bilistar har kontakta oss og fortalt om svært isete forhold på fleire sidevegar.
– Vi har fått ein del telefonar vi òg, seier Marius Næss i Vegtrafikksentralen.
Ulven er blant stadane det har kome melding om.
– Det var verst frå klokka 17 til 18. No har det roa seg litt.
Han fortel om salting for fullt frå klokka 17.
– Dei rekk ikkje alle stadar på same tid, men har nok kome rundt til dei fleste stadar no, seier Næss.