Klassisk sommar
I sommar blir det klassiske tonar i Oseana kvar sundag. – Til dette har vi laga ei matinépakke som omfattar mat, musikk og inngang til Griegsamlinga, fortel Astrid Heggland.
Oseana held fram med klassiske tonar i Oseana i sommarmånadane etter at Musicanord i fjor tok initiativet til ein serie sommarkonsertar.
– Vi var godt nøgd med arrangementa i fjor sommar og er glade for å kunna ønskja Michale Süssmann og MusicaNord tilbake med konseptet Grieg in Bergen, fortel arrangementssjef Berit Steen.
Grieg in Bergen er ein serie konsertar Musicanord held i Korskyrkja.
– Dei tek med seg dei same artistane til Griegsamlinga her hos oss og kjører det same opplegget på Os.
– Eg håper det dei starta i fjor berre var starten på noko som kan bli ein tradisjon i Oseana, seier Steen.
Mat og musikk
Saman med restauranten har sals- og marknadssjef Astrid Heggland sydd matinépakkar der gjestane kan kosa seg med lunsjbuffet før konsertane.
– I pakka ligg buffet, konsert og inngang til Griegsamlinga.
Flytta fram
Konsertane blei i fjor arrangert klokka 18 på sundagskveldane. I år er konsertstart klokka 14.00.
– Vi har, saman med Musicanord, kome fram til at vi trur matinékonsertar vil passa publikummet på Os betre.
– At folk kan få mat og musikk i skjønn forening håpar vi fekk i smak, avsluttar Berit Steen som trur konseptet har noko for seg og at det kan vidareutviklast ytterlegare.
Konsertserien
Den første konserten i rekka startar sundag 30. juni og blir følgd opp med konsert kvar sundag fram til 18. august.
Sundag 30. juni: Ricardo Odriozola, fiolin - Einar Røttingen, piano - Verk av Grieg – Sæverud
Sundag 7. juli: Oliviero Hassan, bratsj - Mai Goto, piano - Verk av Schumann - Prokofiev – Grieg
Sundag 14.juli: Ensemble conTrema - Verk av Haydn – Grieg – Bach –Martnu
Sundag 21.juli: Øystein Skre, bass – Kristin Lunde, piano - Verk av Brahms - Williams – Grieg
Sundag 28.juli: Hilde Hasselberg, sopran – Kato Flem, piano - Verk av Grieg – Eisler – Medtner – Larsen
Sundag 4. august: Melismaquartet - Verk av Grieg – Barber – Dvorak
Sundag 11. august: Lousinne Azizians, fiolin – Daniel Beskow, piano - Verk av Beethoven – Grieg – Schubert – Debussy
Sundag 18.august: Michael Süssmann, fiolin – Tor Erik Seime Pettersen, piano - Verk av Grieg – Franck – Ysaye