Klarte 105

Os Turn Fotball arrangerte triksekonkurranse under årets Vårslepp. Sidan det ikkje var deltakarar i ungdomsskulealder delte juryen, som besto av Os-spelarane Martin Eidsvik, Even Bjoarvik, Ramo Racic og John Ole Johannessen, triksarane inn i to klassar, frå 1. - 5. klasse og frå 6. til 7. klasse, gutar og jenter.

- Den som triksa mest i innleiande rundar var Samson Bjørke Kallestad med 105. På plassen bak følgte Simon M. Søvik med rett over 60, fortel Martin.

I finalen var det «last man standing», best av tre. Slik var finalane:
Gutar 6. og 7. klasse: Samson Bjørke Kallestad vann over Simon M. Søvik
Jenter 6. og 7. klasse: Elin Hatteberg Aadnevik vann over Anna Lekven Kolskogen
Gutar 1. til 5. klasse: Kyrre L. Svenningsen vann over Ole Martin Lekven Kolskogen
Jenter 1. til 5. klasse: Maria Thunold Mathiessen vann over Thea Forstrønen Bruarøy

Martin best i juryen
Midtsiden.no utfordra jurymedlemmane til å kjempa mot kvarandre i ein superfinale. Her ramla John Ole tidleg av lasset, medan dei blei kjedeleg å sjå på dei andre. To gongar blei det kommandert at ballen skulle oppom hovudet innan ti sekund, utan at det var til hjelp.

Men så rota Ramo med ballen og tok med seg Even i fallet.

På spørsmål om kva Martin har som rekord svarar han «1000 med dressko». «Det var på 17. mai for to år sidan. Men eg har triksa over 4000» legg han til.

- Om vi sit på benken i ein kamp blir det mykje triksing. Då konkurrerer vi i «gris», og det er slikt alvor over det at vi burde ført tabell, ler Martin.

Sjå videosnutt av finalane: