Klare til å effektivisera Noreg
Lesarinnlegg: Dei gode erfaringane lokalt med Frp-politikk vil Frp ta med seg sentralt.
Fredag møtest Frp sine to ordførarar med høgast oppslutning ved valet i 2011, Terje Søviknes og Helge Andre Njåstad, på Amfisenteret Os for å driva valkamp. Hovudbodskapen til osingane er at dei no må sikra attval av 3. kandidat Laila Reiertsen og at Noreg treng Frp i regjering for å effektivisera staten.
I dag er landet kjenneteikna av mykje byråkrati og at pengane blir brukt feil.
– Me meiner at det er mykje smartare å bruka handlingsrommet oljeinntektene gjev oss på investeringar i infrastruktur, utstyr og forsking framfor byråkrati og velferdsordningar som vert eksportert ut av landet, seier Søviknes og Njåstad.
– Berre sjå kva som har skjedd lokalt i Os og Austevoll med 14 og 10 år med Frp i posisjon.
NHO sitt kommune-NM som rangerer kommunane etter kor attraktive dei er for næringslivet plasserte Os og Austevoll heilt i toppen nasjonalt.
Os på 34. plass av 429 kommunar og Austevoll på 15. plass. Eit av målekriteria er administrasjonskostnadar. Her er det bare 17 kommunar i heile Norge som har lågare administrasjonskostnader enn Os, som bruker 2548 kroner per innbyggjar i administrasjon. Bergen ligg like under, så det er tydeleg at dersom man har fokus på effektiv drift er det mogleg å arbeida smart for å frigjera handlingsrom til å utvikla gode tenester.
Frp-kommunane Os og Austevoll har begge utvikla seg enormt i dei åra Søviknes og Njåstad har styrt. Folketalet og optimismen har auka år for år og kommunane klarer å levere gode tenester og solide økonomiske resultat.
Rekneskapen for 2012, som viste raude tal og utfordringar for mange kommunar rundt oss, var meir hyggjeleg lesing i Os og Austevoll, som leverte overskot på 23 millionar i Os og 21 millionar i Austevoll.
Dei gode erfaringane lokalt med Frp-politikk vil Frp ta med seg sentralt. Frp har aldri vært nærmare regjeringsmakt og kan ved dette valet sikre både ein osing og ein austevolling i stortinget. Helge Andre Njåstad står på 2. plass og Laila Reiertsen på 3. plass. Men det krev mobilisering for å sikra mandata.
Difor er bodskapen på AMFI Os klar: Osingane må mobilisere for å sikra Laila fire nye år på Stortinget, og denne gong i posisjon, slik at dei gode erfaringane lokalt kan omsetjast til politikk sentralt.
Gustav Bahus
Leiar, Os Frp