Kjørte i GHB- og amfetaminrus
Ein osing i midten av 30-åra er dømt til fengsel for to tilfelle av kjøring i rusa tilstand.
Ein mann frå Os er i Nordhordland tingrett dømt for bruk av narkotika og for kjøring i rusa tilstand.
• Først blei han stoppa då han kjørte bil, medan han var rusa på metamfetamin og GHB, frå Danmarksplass til Lagunen om ettermiddagen onsdag 14. mars i fjor.
• Så blei han målt med GHB og amfetamin i blodet etter ein kollisjon med autovernet i ei rundkjøring i Bergen midt på dagen tysdag 25. september.
Sikta møtte i retten og tilsto.
14. mars hadde sikta 0,51 mikromol med metamfetamin i blodet. Straffegrensa er på 0,30. Ved begge tilfella hadde han ei mengd GHB i blodet som tilsvarar 1,2 i promille.
Påtalemakta ba om 28 dagar fengsel og 45.000 kroner i bot.
Retten fann bota for stor i forhold til sikta si inntekt og reduserte denne.
Sikta blei dømt til 28 dagar fengsel og 15.000 kroner i bot.
I tillegg må han venta i to år før han tar ny førarprøve.