Lokal | 10. juli 2013
Kjørte i fylla – utan dekk
Ein ung osing var heilt på felgen då han blei stoppa av politiet i Bergen.
Kjetil Vasby Bruarøyonsdag 10. juli 2013 13:53
I 01.30-tida natt til søndag 26. mai blei ein ung mann frå Os stoppa av politiet i Skjoldskiftet.
Han hadde kjørt på Fritz C. Riebers frå Krambua til han blei stoppa i Fanavegen ved Skjoldskiftet.
Bilføraren, som er 21 år, viste seg å ha 0,84 i promille ein time etter at han blei stoppa.
I tillegg til promillekjøringa blei han sikta for å kjøra bil som ikkje var i forksriftsmessig stand.
Bilen han kjørte mangla nemleg dekk (!) på to hjul.
Sikta, som ikkje er domfelt tidlegare, møtte i retten og samtykka til avgjerd i tilståelsesdom.
Han blei i Nordhordland tingrett 27. juni dømt til 21 dagar fengsel, 10.000 kroner i bot og til å tåla tap av førarretten i to år.