Kjøpte hasj for sal
Mann tatt med narkotika nyttårsaften 2011. Stoffet var meint for vidaresal, no er han dømd til 60 dagar fengsel.
I 04.30 tida nyttårsaften 2011 blei ein mann i midten av 30 åra, busett på Os stoppa av politiet på sjølinjen i Bergen. I bilen fann politiet 7,5 gram metamfetamin med ein styrkegrad på 10% og 100 gram hasj. Narkotikaen hadde mannen kjøpt i Bergen i romjula.
Onsdag i førre veke måtte mannen møta i Nordhordland Tingrett tiltalt for brot på straffeloven sin paragraf 162, første ledd for ulovleg å ha tilverka, innført, erverva, oppbevart eller overdratt narkotika.
Mellom 100 og 200 brukardoser
Mannen tilsto i retten og fortalte at narkotikapartiet var meint for vidaresal.
Mengda hasj tilsvarar i følgje retten mellom 100 og 200 brukardoser.
Påtalemynde meinte at ei passande straff var 60 dagar fengsel, kor 30 av dei blei gjort betinga med 2 års prøvetid.
I vurderinga av straff meinte retten at det var formildande at saka var gamal, at renhetsgraden på metamfetaminen var lav og at han hadde gjeve ein uforbehalden tilståing.
- Det siste vil aleine redusera straffa med 1/3, skriv retten i si vurdering.
Vidaresal gav skjerpa straff
Når dei likevel dømer mannen til straff i trå med påtalemynde si påstand så legg dei vekt på at narkotikaen var meint for vidaresal.
- I skjerpande retning må det leggast betydeleg vekt på at det var erverv av reint profittmotiv for vidaresal, skriv retten.
Til fradrag kom fem dagar som mannen hadde sitte i varetekt.