Kjenning med narkotika
Politiet: Synleg rusa mann i 20-åra tatt med piller og narkotika. "Microsoft-reperatørar" ringer framleis.
Tysdag formiddag kom politi på patruljering over ein rusa mannsperson i Hagavik-området.
- Han er ein mann i 20-åra som vi kjenner frå før.
- Patrulja stoppa han og fann mindre mengder narkotika, fortel politiførstebetjent Audun Hadler-Olsen.
Det blei funnen piller og anna narkotisk stoff på mannen.
- Han blei tatt med inn på kontoret for avhør og vil bli meldt for tilhøva.
"Microsoft-reperatørar" ringer framleis
Hadler-Olsen fortel at lensmannskontoret framleis får telefonar for osingar som har blitt ringt opp frå personar som seier dei ringer frå Microsoft og at dei har registrert problemar med PCen til den dei ringer til.
- Eg har inntrykk av at folk er flinke til å berre legge på.
- Det er flott at folk melder videre til oss slik at vi får registrert det.
- Men kva kan de som eit lokalt lensmannskontor gjera i høve internasjonal kriminialitet som dette?
- Meldingar som dette blir registrert i systema og fanga opp av Hordaland politidistrikt.
- Truleg blir det meldt vidare til Kripos som er den sentrale eininga som handterer slike saker, men det er klart at det ikkje er enkle saker å gjera noko med.
- Det viktigste rådet er å ikkje la uvedkommande få tilgang til PCen din, men berre legge på om ei ringer, avsluttar politiførstebetjent Audun Hadler-Olsen.