Kjedekollisjon på E-39
Trafikken sto på Søfteland etter ein kjedekollisjon der tre bilar blei skadd. Førar er mistenkt for kjøring i rus.
Bildeserie:
Tre bilar var involvert i ei trafikkulykke på E-39 ved avkøyrselen til fotballbanen på Søfteland måndag formiddag.
Kollisjonen gav full stopp i trafikken.
Fire personar skal ha vore med i dei tre bilane.
– Det er meldt om nakkeskade på ein person, skriv politiet på Twitter.
– Det var ein BMW som køyrde i hekken på ein Audi som så gjekk vidare i Toyotaen som sto og venta på å kryssa vegen.
Alle bilane hadde retning Os.
BMW-en har fått skader i fronten og må hentast av bergingsbil. Audien har fått lettare skader bak og framme, medan Toyotaen er nesten uskadd.
Mogleg promille
Klokka 1305 melder politiet på Twitter at det er snakk om mogleg promillekøyring.
– Føraren av den bakerste bilen mistenkt for køyring i påvirka tilstand. Det er tatt beslag i førarkortet hans.