Os kulturutvikling lager saman med Os kyrkjelyd og Galleri Solbakkestova solidaritetskonsert i år òg.
Allereie i slutten av september var plakaten nærmast ferdig, men med eit par artistar som det gjensto avklaring med.
Datoen var framskynda frå 21. til søndag 17. desember - for å få med Eirik Søfteland (i staden for å kollidera med den bestseljande julekonserten hans).
– Johny Olsen Band har eit bandmedlem som dessverre ikkje hadde tid, så dei utgår.
– Men vi har vore heldige og fått inn fire nye namn, seier Øyvind Hægland.
Nye namn på plakaten er: RES (Erik Rolland, Øystein Engevik og Gunnar Engevik), tvillingane Solomiya og Nazar Romanyshyn, som er elevar på Kongshaug Musikkgymnas, Michael Clemente Lekven og Jan Haaland.
Årets artistar:
- Mighty Magnolias
- Eirik Søfteland
- Anna Neset
- Tetiana Sorochan
- RES (Erik Rolland, Øystein Engevik og Gunnar Engevik)
- Victoria Bakka
- Leif Østrem
- Solomiya og Nazar Romanyshyn
- Michael Clemente Lekven
- Jan Haaland
Konferansier: Karl Ole Midtbø
Lyd: Arthur Håkon Botnevik
Rigg og lyd: Nils Midtseter
I fjor blei det to konsertar, i mars og desember, begge til inntekt for Flyktninghjelpen. Også denne er gratis, men med innsamling til Flyktninghjelpen.