Johanne (3) gjekk opp Linken
Langt frå alle brydde seg om kva klokka var då dei deltok i Linken Opptur søndag.
Bildeserie:
– Vi lurte på å ta oss ein tur i seglbåten, men må nesten stilla opp når det er nytt bakkeløp på gang, seier Rune Walle.
Han tok turen til Linken med dottera Thea i dag.
Mens konkurranseklassen hadde 110 deltakarar var det endå fleire i trimklassen.
Les òg: Geir Skaten først opp Linken
– Vi har framleis ikkje eksakt tal, men eg reknar med at det var nærmare 200 som deltok utan tidtaking, seier Klas Færøvik frå Opptur Motbakkeklubb.
Også desse betalte påmeldingsavgift, men fekk tskjorte, deltakarmedalje og buff for pengane. I tillegg var det servering av banan og saft på toppen.
Treåring til topps
På den bratte vegen til den 479 meter høgre toppen møtte vi Johanne (3) og mamma Lillian Svendsen.
– Det er ikkje første gong ho er på Linken, men det er første gong ho går for eiga maskin, fortel mor.
Pappa og dei to brørne gjekk lengre oppe i lia.
Ein kjapp fjelltur med far
To andre som gjekk den 2,3 kilometer bratte fjellturen var Lucas Dale Sandvik (8) og pappa Øyvind Lekven.
– Vi brukte rett over ein time frå Meny. Vi var visst nest raskaste til no, av dei som ikkje er med i konkurransen! seier pappa Øyvind.
Like bra neste år?
Det var lettskya og rundt 25 varmegradar i Os i dag.
– Dette er sjeldan vare i mai, trur du det blir like bra deltakartal om ikkje vêret er like fint neste år?
– Vêret har mykje å seia, det er klart, men med dagens temperaturar var det nok enkelte som tok seg ein båttur, men som ville vore med om det var kaldare, trur Færøvik.
– Vi er uansett veldig glade og takksame for at så mange var med på å gje Linken Opptur ein god start.