Politi | 01. apr. 2022
Jobbar overtid for å auka pass-kapasiteten
Legg ut nye timar kvar fredag.
Kjetil Vasby Bruarøyfredag 01. apr. 2022 13:38
Få ledige timar og lang ventetid for dei som vill ha nytt pass eller id-kort har vore ei utfordring etter pandemien.
No har politistasjonssjef Oddbjørn Dyrdal iverksett eit strakstiltak.
– Vi jobbar stadig for å kunna tilby fleire passtimar, og vil no legga ut fleire ledige timar utover ordinær arbeidstid, seier Dyrdal.
Ordninga er basert på overtid hos tilsette.
– Det vil frå no bli lagt ut ekstra timar kvar fredag innan klokka 10. Dei blir tilgjengelege på politiet.no for bestilling.
I dag blir det lagt ut for ekstratimar i nste veke, tysdag, torsdag og laurdag.
– Vi er veldig glade for å kunna tilby denne auka kapasiteten i ei hektisk tid.
