Jentene heia Eirik vidare
Eirik Strønen Søfteland tok seg lett vidare til andre finalerunde i Idol.
Fredag var det tid for første finalerunde i Idol på TV2.
Osingen Eirik Søfteland (24) var femtemann ut og drog på med U2-låta "Desire".
I salen sat blant andre søstera Ingvild, tanta Gunnlaug og kameraten Torodd Rimstad.
– Eirik var knallgod. Vi er cirka ti osingar ringside og vi er kjempenøgde, seier Torodd.
– Stemninga er kjempegod. Dei to som skal på i 22-tida er litt fokusert, vi andre et chips og drikk Redbull, så her e' vi heilt i hundre, sa Eirik til Midtsiden i pausen.
Var seg sjølv
– Eg forstår ikkje heilt låtvalet ditt, men framføringa var bra, sa dommar Tone Damli Aaberge, medan Dansken sa han ikkje visste kva han skulle gjort om ikkje Eirik var med.
Gunnar Greve synest Eirik gjorde det bra, men saknar framleis å sjå noko anna enn "rocke-Eirik".
– Eg må få lov å vera meg sjølv, parerte Eirik.
Trassa "alle" odds
I starten av veka var han av Betsson tippa som den som kom til å ryka ut i kveld, men Eirik overbeviste og var ikkje ein gong blant dei tre som var i fare for å ryka.
Eirik skal på scenen igjen også fredag om ei veke for å kjempa seg vidare på veg mot finale og platekontrakt.
Anniken Kolstad rauk ut.