Jentefotball er gøy!
Bildeserie: Sol, smil og jentefotball. 260 spelarar frå 5 til 10 år i full utfolding på Kuventræ.
Bildeserie:
Dei må ha gode kontakter med høgre makter initiativtakarane til Jentefotballdagen. Laurdag strålte sola omkapp med 260 ivrige fotballjenter på Kuventræ.
Allereie før første spark på ballen kunne ein konstantera at dette kom til å bli ein suksess. Litt skummelt var det kanskje for noken å skulle forlate den trygge handa til mor eller far, men med to vaksne gruppeleiarar til å passe på 10-12 jenter skulle det nok gå bra.
– Vi har 22 grupper og 100 frivilljuge i sving, fortel Eirik André Hesthamar.
På alle dei tre fotballbanene på Kuventræ har arrangørane rigga til med forskjellige poster for at jentene skal få læra meir. Innkast, utkast frå keeper, føring av ball og ikkje minst stoppa den, dribling mellom kjegler og pasningar var noko av oppgåvene. Også fotballkamp då sjølvsagt.
Små Pink ladies
Heile dagen er eit gratis arrangement for å rekruttera fleire jenter til fotballen. Med bidrag frå kommunen og næringslivet får jentene kvar sin ball, rosa t-skjorter, armband og drikkeflaske. Nett det siste er kanskje det viktigste denne laurdagen om ein tek temperaturen med i bilete.
Dagen blir avslutta med disko og hoppeslott inne i Oshallen.
Bak dagen står dei sju idrettsklubbane Os Turn Fotball, Jadakameratene IL, Søre Neset IL, Nore Neset IL, Øyglimt IL, Lysekloster IL og Søfteland T&IL.
Sjå fleire bileter på Midtsiden si facebook-side.