Jente truga av jenter
Fredag var politiet i dialog med jenter som var i konflikt, natt til laurdag stoppa dei ein mann med kniv.
Fredag i 22.40-tida fekk politiet melding frå ei jente som sa ho hadde blitt truga av to andre jenter.
– Ho skal ha blitt lagt i bakken og truga av to andre. Dei tre er i 16-17-årsalderen, fortel politibetjent Benedicte Svanes.
Patruljen kom i dilog med begge partar. Fornærma vil kanskje melda forholdet.
Utlendingar ved ungdomsklubb
Litt tidlegare på kvelden, i 21-tida, fekk politiet melding frå nokre ungdomar som var på klubb i Kyrkjelydshuset.
– Dei fortalte at det sat fleire vaksne utlendingar på ein benk ved klubben og at dei syntest det var ubehageleg.
– Patruljen svingte forbi for å sjekka forholda, men då var dei vekke.
Mann med kniv
Klokka 02.55 natt til laurdag blei ein mann stoppa i Prestegardsskogen.
Mannen bar på ein kniv og det er oppretta sak.
Kontroll på Halhjemsvegen
I 03.20-tida natt til laurdag hadde politiet trafikkontroll på Halhjemsvegen.
48 bilistar blei kontrollert, alle hadde alt i orden.
Rusa bak biblioteket
Laurdag morgon i 9-tida fekk politiet melding om rusa mann bak biblioteket i Os Næringspark.
Patruljen rykte ut, men fann ingen.