Jente følte seg forfølgd
Politiet blei varsla då mannen sto utanfor huset.
Laurdag klokka 20.51 fekk politiet tips om ei jente som skal ha følt seg forfølgd.
Retta: Midtsiden fekk først opplyst at jenta ringte politiet sjølv, men har no fått stadfesta at det var eit vitne som ringte.
– Jenta ville ikkje melda vedkomande, ho vil konfrontera han. Eg synest likevel det er bra at vi blei kontakta, seier politioverbetjent Anne Lyssand.
Vedkomande er ei jente i slutten på tenåra som var på besøk i Os, mannen som skal ha forfølgd ho er i starten på 20-åra og frå Os.
– Ho skal ha kjent han i rundt eit år. Ho hadde vore på kino før ho besøkte ein ven, men etter at ho kom med buss til adressa skal den unge mannen og ein kamerat ha dukka opp utanfor huset.
– Vi håper det hjelper at ho konfronterer han, men eg tenker at dette er ein sak vi bør følgja opp. Denne typen åtferd er vi ekstra merksame på, seier Lyssand.
