Inviterte jenter med i bilen

Politiet blei i går kontakta av ein far som fortalte om ein episode på Hatvikvegen.

– Tre jenter sat i busskuret ved golfbanen då ein mann dei ikkje kjenner stoppa.

– Han spurde om dei ville sitja på til Hatvik, fortel lensmann Oddbjørn Dyrdal.

Jentene kjenner ikkje mannen og takka nei.

Dei syntest mannen oppførte seg rart og tok registreringsnummeret på bilen og meldte ifrå til den eine jenta sin far.

– Eg synest også dette er mistenkeleg åtferd, seier Dyrdal.

Politiet har ikkje lykkast med å koma i kontakt med eigar av bilen, ein mann i slutten av 30-åra.

Bileigar er norsk, men ikkje frå Os.