Lokal | 27. mai 2018
Innfører forbod mot bruk av open eld
Brannsjef Stein Gjøsund har fatta vedtak om forbod mot bruk av open eld i Os.
Andris Hamresundag 27. mai 2018 09:18
Frå og med søndag 27. mai klokka 1200 og inntil vidare er det totalforbod mot bruk av open eld i Os kommune.
– Bakgrunn for avgjerda er lengre tid utan nedbør, høge temperaturar og vind. Forbodet omfattar bruk av open eld som kan antenne gras, skog og liknande, heiter det i vedtaket frå brannsjefen.
Fleire gjer det same
Os kommune er ikkje aleine om å slike vedtak.
– Vi samsnakkar med blant anna Bergen når det gjeld dette, fortalde Gjøsund til Midtsiden før helga.
Tilsvarande forbod er melllom anna vedtatt i Bergen, Samnanger, Tysnes, Osterøy og Vaksdal.
Meterologane melder på langtidsvarselet at det ikkje vil komma nedbør i løpet av dei neste åtte dagane.