Innbrotstjuv stakk frå staden

Torsdag morgon, i 5-6-tida, fekk politiet melding om innbrot i ein bustad i Finnebrekka nær Os sentrum.

– Dei som bur i huset hadde vakna av at det var folk inne, fortel politioverbetjent Terje Sperrevik.

Innbrotstjuven stakk frå staden, men huseigar følgte etter.

– Ein mann er pågripen mistenkt for innbrotet. Det kan sjå ut som om det også er gjort innbrot i bilen til huseigar, seier Sperrevik, som førebels ikkje kan koma med fleire detaljar i saka.

Politiet seier andre huseigarar i Finnebrekka gjerne kan sjekka garasjane og bodane sine, og sjå om det har vore fleire tjuveri i nabolaget i natt.