Innbrot, utforkjøring og slåssing

Måndag blei rutene i minst éin bil parkert nær Byvegen knust.

– I den eine bilen har nokon prøvd å fjerna stereoanlegget utan å lykkast, seier lensmann Rasmus Dalen.

Vald og trugslar

På ei anna adresse ikkje så langt frå Os sentrum måtte politiet rykka ut for å skilja fleire personar.

– Det var ein krangel som var i ferd med å bli veldig alvorleg. Det var snakk om både vald og trugslar.

To personar, ein mann og ei kvinne, begge rundt 20 år, blei fjerna frå staden og plassert i fengsel inntil vidare.

– Vi vil i løpet av dagen prøva å få greie på kva som skjedde mellom desse personane i går.

Ungdomar stakk etter utforkjøring (x2)

I 01.20-tida natt til tysdag fekk politiet melding om utforkjøring på Moberg.

– Bilen skal ha kjørt fort og hamna ut på jordet utanfor den krappe svingen på Moberg. Men då patruljen kom fram var både bilen og personane, tre ungdomar, vekke frå staden.

Klokka 02.32 har politiet i Fana fått melding om ei anna utforkjøring. Her blei tre ungdomar observert gåande frå staden. Patruljen skal ha funne tre ungdomar i nærleiken som dei mistenker å ha vore involvert i denne utforkjøringa.

– Vi veit ikkje om det er dei same tre som kjørte utfor på Moberg, men det er noko vi kjem til å få ei avklaring på i dag, seier Dalen.

Stal bilnøklar

Politiet har fått melding om to innbrot natt til tysdag.

– Det har vore innbrot på Beststasjonen. Her er nokre nøklar sakna.

Også Rema 1000 Kuvenstasjon er utstett for innbrotforsøk, men her skal dei ikkje ha kome seg inn.