Innbrot på Kuventræ
Telefonar og bankkort er blant tinga som blei stole frå ein bustad i Kuventrævegen.
Klokka 1830 torsdag ettermiddag fekk politiet melding om innbrot i ein bustad i Kuventrævegen.
– Huseigar ringte sjølv og sa i fra om innbrotet. Det skal ha vore merker på døra, fortel operasjonsleiar Kolltveit ved operasjonssentralen hos politiet i vest.
Innbrotet har skjedd onsdag eller torsdag.
– Bebuar fortel at det mellomanna er stole telefonar og bankkort. I tillegg var ein safe forsøkt brote opp.
Ung jente utfor vegen
Natt til fredag, kl 0120, køyrde ein bil utfor Lyseklostervegen.
– Det var eit reint uhell kor bilisten, ei ung jente, kom for langt ut på kanten og hamna utfor vegen. Det er ingen mistanke om rus inne i bilete, så det blei ikkje oppretta sak frå vår side. Viking kom til staden og fekk bilen oppatt på vegen, fortel Kolltveit.
Varsla bråk, fann ingen
Det skal òg har vore bråk ved Essoen klokka 0315 natt til fredag.
– Då patrulja kom fram var det ingen der. Dei som jobbar på stasjonen hadde heller ikkje sett noko, så kva som var bakgrunnen for at vi fekk meldinga er ukjend, avsluttar operasjonsleiaren.