Innbrot og skadeverk
Politirapporten: Fleire tilfelle av skadeverk på bilar. Innbrot og tjuveri frå båt.
Politiet har i løpet av helga fått melding om fleire tilfelle av skadeverk på bilar og innbrot og mogleg tjuveri frå ein båt i Hamnevegen.
- I Hamnevegen skal det ha vore innbrot og mogleg tjuveri frå ein båt i løpet av helga.
- I tillegg skal ei rute i ein lastebil som sto parkert der vera knust, fortel politioverbetjent Terje Sperrevik som ser dei to tilfella i samanheng.
Skrapa opp bilar i Kuvågen
Hamnevegen er ikkje den einaste plassen vandalar har vore på ferde i løpet av helga. Frå Kuvågen har politiet fått melding om at det natt til sundag blei gjort skadeverk på to bilar.
- Ei rute skal vera knust, i tillegg skal bilane ha blitt ripa opp med stein.
- Både for hendingane i Hamnevegen og i Kuvågen er vi interessert å koma i kontakt med personar som kan ha observert noko i løpet av helga, seier Sperrevik.
Tips og opplysningar kan gis til lensmannskontoret på telefon 56 30 39 00.