Innbrot i bustad

Politioverbetjent ved Os Lensmannskontor, Anne Lyssand, fortel at det i går vart rapportert inn eit innbrot i ein bustad utanfor Os sentrum.

– Eigarane hadde vore vekke ei veke, og då dei kom heim i går, oppdaga dei at nokon hadde vore inne i bustaden. Dette inneber at innbrotet kan ha skjedd ein eller annan gong mellom måndag førre veke og i går.

Lyssand fortel vidare at innbrotstjuvane truleg har brukt både øks og brekkjern for å koma seg inn i huset.

– Dei har hogd seg inn gjennom ei dør i kjellaren, men utover sjølve skadane ser det ikkje ut til at det er forsvunne store verdiar frå bustaden.

– Det er oppretta sak, avsluttar Lyssand.