Ingen fanatikar

- Det er derimot tida mellom nyttår og jul, fortel Karen, som 1. oktober byrja som leiar i det kommunale tilbodet Frisklivssentralen.

Held kurs

Frisklivsentralen er eit tilbod som kom med samhandlingsreformen og der Helsedirektoratet har laga instruksar om korleis det best skal kunne drivast.

- Os kommune la ned ei prosjektgruppe for omtrent eit år sidan der dei skulle kartleggja behov og mogleheitar for å starta ein Frisklivssentral i kommunen.

I januar opnar sentralen og Hope har allereie byrja å få inn personar som ønskar ei livstilsendring.

- Eg blei rastlaus etter å koma i gong, og har allereie vore både på treningsenter og i basseng.

For å koma i kontakt med Frisklivssentralen kan ein anten bli henvist frå helsepersonell eller ta kontakt sjølv.

Det tidsavgrensa tilbodet er hovudsakleg gratis og startar med ein samtale saman med Karen. Ho held til i Os Rådhus, men brukar og myje av tida på Osbadet og Actic treningsenter som ho samarbeidar med.

- På samtalen finn vi behovet til den enkelte og lagar ein plan saman med personen om vegen vidare.

Karen presiserar at ho ikkje skal vera ein som står og "pusher" frå sidelinja, men ein støttespelar fram til dei klarar seg på eigehand.

I januar startar ho opp med kurs, eit for røyke- og snusslutt, eit livsstilskurs og eit kurs kalla "Bra mat".

- På kursa kjem eg til å ha med med ein kols-sjukepleiar på røykeslutt, ein diabetes-sjukepleiar på "Bra mat" og ein psykiatrisk vernepleiar på kurset om livsstilsendring.

Vil hjelpa folk i gang

Frislivssentralen sine hovudgrupper er kosthald, fysisk aktivitet, røyk- og snusslutt og lettare psykisk helse.

- Vi fokuserer mykje på bevisstgjering og å klare å snu tankane til å få ein betre livsstil og ikkje gjere det for komplisert for oss sjølv.

For Karen som, før ho fekk born, røykte og aldri var ein aktiv person, endra det seg heilt då det kom smårollingar i hus.

- Eg slutta å røyka før eg blei gravid og då førstemann kom fann eg ein fristad i turgåing. Til slutt blei det deilig å gå tur.

Ho har lang erfaring med arbeid innan psykisk helse, fysisk aktivitat og kognitiv terapi, og i forrige jobben arbeida ho mykje med å hjelpa personar å meistra kvardagen.

- Liva våre blir meir passive, det er meir tilgjengelegheit på enkle løysingar, usunn mat og sofasitting.

- Eg har mange ting i verktøykassa mi for å hjelpe folk å få ein betre kvardag, fortel Karen med eit smil.

- Eg kan ikkje endre nokon, men kan hjelpa dei å finne fram til sine eigne løysingar.

Nokre tips i kvardagen

Karen er veldig nøgd med å ha fått Osbadet og Actic med seg på laget.

- Eg ønska meg opp på Kuventræ, her har vi både møtelokale, treningsenter, basseng, løpebanar og turområde.

Etterkvart vil Karen starte opp gruppetrening med symjing, turgåing, trygg trening saman med fysioterapeut, og etterkvart ei meir aktiv gruppe. I nokre tilfelle ser ho for seg å hjelpe individuelt.

- Eg startar med dei vaksne no, men har og eit ønske om å på sikt kunne gje eit tilbod til born.

Karen blei bedt om å gje nokre enkle tips for ein betre kvardag, og her er dei:

- I vårt hus har vi ei fin rutine med at borna fortel tre ting dei er glade for før dei legger seg. Då sovnar dei med gode tankar.

- Etter at eg har levert borna på trening så tar eg meg ein gåtur i mellomtida.

- Kos deg med måte. Ha gjerne chips og popkorn, men ta og med oppskjærte grønsaker, for eksempel gulrøtter.

- Gjer ting enkelt og gjennomførbart.

- Halvtimesregelen er veldig god. Sett av ein halvtime kvar søndag til å lage ein plan for veka etter, både for mat og aktiviteter.

- Start med små og enkle endringar. Gå for eksempel frå rømme til lett rømme og så over på kesam. Bytt kjøttdeig med karbonadedeig.

- Ikkje gå ut for hardt, det skal vera endringar du skal leva lenge med.