Imponerte borte mot Arendal
Lysekloster sin ferie ser ut til å ha gjort godt.
Lysekloster overraskal då dei i vår slo ein av opprykksfavorittane, Arendal, på heimebane.
I dag gjorde nyopprykka Lysekloster det igjen.
– Var Arendal ulik i forhold til møtet i vår?
– Av spelarar inn og ut har vi Mikal Kvinge frå Brann 2, som ikkje spelte, og så har dei skifta ut spissen med ein ny. Forskjellen i kampbildet var det nok vi som sto for, seier trenar Ruben Hetlevik.
– Det såg ut som om det var vi som hadde heimekamp. Vi dominerte spelet og vann duellane - gutane imponerte!
Marceli Wawrzynkiewicz gav Lysekloster leiinga i 11. minutt, Henrik Andersen auka til 2-0 i 49. minutt.
Vertane reduserte i 53. minutt, innbytar Jacob Jacobsen Bolsø sørgja for 3-1.
– Det blei ein fortent siger i ein veldig god kamp av oss.
Kvarven spelte frå start, det same gjorde Tufta, som òg hadde to målgjevande pasningar.
– Det var godt å sjå dei i gang igjen. Tufta starta siste kamp før ferien òg, men måtte ut etter 20 minutt.
I dag spelte han 71 minutt.
Arendal - Lysekloster 1-3 (0-1)
Målskårar, Lysekloster: Marceli Wawrzynkiewicz, Henrik Andersen og Jacob Jacobsen Bolsø
Lysekloster: Vitalijs Melnicenko - Nicholas Marthinussen, Joachim Skorpen Edvardsen, Sebastian Brudvik, Marceli Wawrzynkiewicz - Henrik Andersen, David Flygel Tufta, Sander Marthinussen - Thorstein Horneland Hildal, Alexander Dang og Jacob Steinsland Kvarven.
Innbytarar med speletid: Lars Oskar Groos Kilen, Jacob Jacobsen Bolsø, Håvard Oppedal Rinde, Johannes Eftevaag og Ole Marius Håbestad.
Lysekloster sin neste kamp går borte mot serieleiar Hødd.
Hødd vann 3-1 borte over Viking 2 i dag. Osingen Elias Heggland Myrlid skåra 3-1-målet.
Heime i vår tapte Lysekloster 0-1 for Hødd etter skåring i 83. minutt.
Sotra tapte 1-5 borte for Brattvåg i dag. Osingen Kristoffer Røttingen kom innpå i 46. og skåra Sotra sitt einaste mål i 48. minutt.
- Tabell og terminliste på fotball.no
