– Ikkje tenn deg ein røyk nett no

Brannvesenet rykte torsdag morgon ut på melding om bensinlukt i Brugata.

Dei fann raskt kjelda, ein bil parkert utanfor inngangen til Dysvik.

– Ryddeaksjonen går greit, men folk bør ikkje prøva å tenna ein røyk her nett no, seier brannsjef Eivind Hovden.

Brannvesenet samla sølet i spann under tanken, og med absorberande masse som blei strødd ut og kosta opp i sekkar før plassen blei spylt rein.

– Vi har kontakt med bileigar. Bilberging er på veg for å frakta bilen til verkstad.