– Ikkje ein i saueflokken
Eirik Søfteland fekk ein flott debut i Skal vi danse.
Laurdag kveld tok Eirik sitt første steg inn i TV2-konkurranse nummer to i år, Skal vi danse, og Idol-finalisten fekk som sistemann ut ein strålande start med sin cha cha.
Eirik fekk saman med sin dansepartnar, Nadya Khamitskaya, 31 poeng og hamna på 3. plass i første runde.
– Tru på deg sjølv og rytme er viktige faktorar når det kjem til dans, og du har begge delar, sa dommar Trine Dehli Cleve.
– Men pass på så ikkje du slepp deg for mykje laus, vi ser også etter teknikk, åtvara ho.
Det fekk dommarkollega Tor Fløysvik til å skyta inn:
– Eg er ikkje einig i det. Hald fram med det du gjer, du har allereie din eigne personlege stil, du er ein mann, du er ikkje ein som står midt i saueflokken, meinte Fløysvik.
Her er oversikta over deltakarane og poengsummen deira:
1. Kathrine Sørland og Tom Erik Nilsen: 39 poeng
2. Kim-Daniel Sannes og Elena Bocoreva Wiulsrud: 35 poeng
3. Eirik Søfteland og Nadya Khamitskaya: 31 poeng
4. Rein Alexander og Marianne Sandaker: 27 poeng
5. Venke Knutson og Egor Filipenko: 21 poeng
6. Isabella Martinsen og Lars Alexander Wiulsrud: 20 poeng
7. Eli Hagen og Bjørn Wettre Holthe: 20 poeng
8. Pål Anders Ullevålseter og Anette Stokke: 20 poeng
9. Linda Johansen og Glenn Jørgen Sandaker: 19 poeng
10. Carl I. Hagen og Therese Cleve: 18 poeng
11. Jarl Goli og Olga Divakova: 17 poeng