Ikkje akutt - men vil vurdera på nytt
Midtsiden vart denne veka tipsa om ei skråning langsmed Bjånesvegen som kan skapa problem.
Bildeserie:
– Dette er vi allereie varsla om, og vi har har teke kontakt med grunneigar om tilhøva i skråninga.
Dette fortel avdelingsleiar for samferdsle, Agnete Haugland.
– I dette tilfellet er det ein tre-meters regel som slår inn. Vi som kommune har ansvaret tre meter på kvar side av vegen, utover det er det grunneigars ansvar.
Fare for straumbrot?
Skråninga ligg like etter Moldegaard, i botnen av bakken før ein kjem ned i Moldadalen.
I skråninga over vegen har fleire tre og rotmassar no byrja å sleppa taket, og fleire av trea ligg no og kviler på leidningane til veglysa.
Haugland fortel at situasjonen ikkje er å rekna som akutt, men eininga vil snarleg sjå på saka på nytt etter å ha blitt gjort merksam på at nokre av trea ligg over leidningar.