I kø for å fly
VIDEO: Os Aero klubb gler seg over strålande vêr og godt besøk under open dag søndag.
Bildeserie:
Motorfly, seglfly, modellfly og helikopter var i går samla på Vaksinen på Ulven. Med lettskya vêr og lite vind blei det mange som kom for å sjå - og for å sitja på.
– Det blei veldig vellukka, det var full aktivitet frå vi starta rundt klokka 12 til vi stengte av litt over klokka 21 søndag kveld, seier formann Tore Øvreeide.
Nærmast heile dagen var det ventelister på å prøva seglfly eller på å få ein tur i slepefly eller mikrofly.
– Vi hadde mange vaksne i lufta, men heldigvis kom det også ein del ungdomar. Open dag er ein aktivitet for å visa folk kva vi driv med, det er ikkje meir enn rundt 25 klubbar i Noreg, berre 15 som er skikkeleg aktive. Og det er mange i Hordaland som ikkje veit om oss og kva vi har å tilby.
– Hovudmålet er å rekruttera nye pilotar, det er viktig for oss å halda aktivitetsnivået oppe. Konfirmasjonsalderen er passeleg tid å starta, eller før, med modellfly, anten ein vil ha ein karriere innan fly eller ha ein fin hobby. Og vi hadde ein del av desse på rundt 15 år innom i går, så det blir litt å følgja opp no i ettertid, seier Øvreeide.
Les òg:
• Kan bli Noregs yngste flyinstruktør
• Tysk kampfly over Os
VIDEO (1:29): Sjå stemningsrapport frå Vaksinen og bli med ein kort flytur over Os i mikrofly. (Foto: Kjetil Vasby Bruarøy)