I gang med utfylling i Greidalen
Steinmassar frå sprengingsarbeidet under Kuhnle i samband med bygginga av Ohara har byrja å sjå dagens lys i Greidalen.
Bildeserie:
Fyllmassane dannar sole til eit nytt bustadfelt som skal koma i Greidalen.
I haust starta Veidekke sprengingsarbeidet for å laga tilkomst- og utsleppstunellar og ein fjellhall djupt inne i Liafjellet, der sjølve prosessanlegget skal ligga. Totalt skal det sprengast og fraktast ut om lag 100 000 m3 med stein ved anlegget, og anleggsarbeidet vil pågå i om lag 15-16 månader.
Godt driv
Prosjektleiar Johannes Håkonsund i Os kommune fortel at framdrifta er som venta med det nye reinseanlegget.
Dei har alt kome litt inn i fjellet både på Moberg og på Kuhnle.
– Per 1. januar hadde entreprenøren drive 50 meter inn frå påhogget på Moberg, og 100 meter inn frå sjøsida på Kuhnle. I utsleppstunellen på Kuhnle er det i tillegg sprengt ut ei nisje til pumpestasjon, fortel Håkonsund.
Held framdriftsplan
Håkonsund fortel at drivinga så langt er i rute.
– Tilkomsttunellen på Moberg skal vera ferdig rett over påske, medan utsleppstunellen er ferdig til ferien. Reinsehallen er ferdig i august - september.
– På Moberg fekk vi litt meir arbeid med påhogget enn venta, men tidsmessig har det ikkje så mykje å seie. Kvaliteten på fjellet var som venta dårleg i begynnelsen, men har no blitt betre.