– I believe I can fly!
VIDEO: Svanefamilien har no berre fem ungar igjen. I går var alle på stupekurs.
Bildeserie:
Ungane til knoppsvaneparet i Oselvo er no litt over ei veke gamle. Berre sju av dei åtte egga klekte, etter seks dagar var det berre seks ungar igjen og torsdag var dei nede i fem.
Om det har vore litt svinn, truleg grunna angrep frå andre fuglar, som måse eller kråke, har ikkje Hamnesjefen og kona blitt så redde for ungane at dei ikkje tar dei med på litt ekstremsport.
Måndag ettermiddag låg familien utanfor Vinmonopolet i Os og solte seg, og då dei skulle ut igjen var det ikkje snakk om å gå ned i fjøra.
– Dei gjekk ut på brygga og hoppa uti ein etter ein, fortel Tove Tvedt Skarstein, som var heldig og fanga stupekurset på film og foto.
VIDEO: Sjå Hamnesjefen visa hopp og ungane følgja etter, nokre meir frivillig enn andre. (Foto: Tove Tvedt Skarstein)