Lokal | 09. feb. 2014
Husvære fylt med røyk
Brannvesenet rykte ut til tørrkoking i Gymnasvegen.
Kjetil Vasby Bruarøysundag 09. feb. 2014 21:00
Laurdag i 15.30-tida rykte brannvesenet ut på ein automatisk brannvarslar i ein eldrebustad i Gymnasvegen.
– Han som bur der hadde kome seg ut, men leilegheiten hans var fylt med røyk, fortel brannsjef Stein Gjøsund.
Huseigar var uskadd og kunne flytta inn igjen etter utlufting.
Tørrkoking har vore eit gjentakande problem både i Gymnasvegen og i andre eldrebustadar i Os.
– Eg vil no i dialog med vaktmeister om installasjon av tidsbrytar på komfyrane i Gymnasvegen. Det er gjort andre stadar, blant anna i Gamleheimshagen i Oshaugen, og er eit effektivt tryggingstiltak, seier Gjøsund.