Hordfast: Kan tapa to minutt på Tysnes
Statsforvaltaren har funne meir regnskog, og foreslår redusert fartsgrense.
I går fortalte BA om eit innspel frå Statsforvaltaren til reguleringsplanarbeidet vegvesenet utfører på E39 Stord-Os i Hordfast-prosjektet.
Statsforvaltaren har funne «30 boreonemorale regnskoger, 38 kystmyrer og åtte rike sumpskoger» på strekningen Gjøvåg til Søreide på Tysnes.
For at ny E39 skal kunna svinga unna desse, foreslår Statsforvaltaren å redusera fartsgrensa frå 110 til 90 km/t over ein distanse på 14 kilometer (med lågare fartsgrense kan svingane vera krappare).
Det vil gi 1 minutt og 42 sekund tapt reisetid.
Veit om fleire frå før
At det er truga artar på Tysnes er ikkje nytt for Statens vegvesen. I april i fjor blei ein rapport om naturmangfald publisert, utforma av Asplan Viak.
Den førre kartlegginga blei gjort tilbake i 2015 i samband med kommunedelplanen.
Nytt i 2021 var blant anna 14 lokalitetar med regnskog. Av desse besto 6 lokalitetar av fattig, furudominert boreonemoral regnskog.
Innspelet frå Statsforvaltaren blir av vegvesenet ikkje sett på som dramatisk.
– Det er ein statleg plan, og Statsforvaltaren er ein høyringspart. Dei har kome med uttale som vi skal ha møte med dei om, seier prosjektleiar Sverre Ottesen til BA.
Totalt har vegvesenet registrert 375 ulike truga dyre- og planteartar på E39 Stord-Os samme strekning, fordelt på 30 arter.
