Høg flo - låge bølgjer
Det er meldt opptil full storm i 16-tida i dag. På full flo klokka 12.12 var det heldigvis, vil mange seia, stille i Os hamn.
Bildeserie:
Onsdag kveld var det kuling i Os. Vinden førte til få problem, sett vekk frå rotvelta tre over E39 på Søfteland, som sperra vegen i éin time frå klokka 23.
I dag var det full flo, av høg type, klokka 12.12. Saman med stor elv førte det til at Oselvo både kom eit lite stykke inn i Os sentrum, og at fleire brygger hamna under vatn.
Men midt på dagen er det lite vind i Os, vinden kjem dessutan frå nordvest, som er gunstig for Os hamn.
Vindretningen skal halda seg når den i ettermiddag aukar til opptil full storm.
Sjå detaljert varsel på Storm vs Yr.
I bildeserien over ser du korleis det såg ut i Os hamn mellom klokka 12 og 12.30 i dag.
I skrivande stund aukar vinden - og det har byrja å snø i Os.