Høg elv - høge ambisjonar
Regnet som kom i helga har fått opp humøret til fiskarane i Oselvo.
Bildeserie:
Etter ein heller tørr start på årets sesong i Oselvo har det no kome rikeleg med vatn.
Fleire har fått fisk, også opningsnatta, men no er sjansen endå større.
– Vi satsar på at han bit i dag, seier Nils Henrik Rød.
Han fiska i sone 2 på opningsnatta. Frå klokka 8 i dag var han på plass i Hammaren (sone 4).
– Det har nok gått opp ein del laks på flo i 2-tida i natt og no er jo elva veldig stor og fin, seier Rød, spent på kva dagen vil bringa.
Midtsiden samleside: Jakt og fiske
Det regna tungt søndag og natt til måndag. På Ulven gjekk det eit lite ras, opplyser politiet. Teknisk vakt hos Os kommune har ikkje fått melding om trøbbel etter at den store mengda med nedbør kom.
Det skal halda fram med å regna ut måndag og natt til tysdag, men så kjem sol, opphaldsvêr og rundt 16 gradar. Den tørraste dagen denne veka blir truleg torsdag.