Lokal | 09. okt. 2012
Hjort påkjørt på Røykenes
Hjorten stakk frå staden med stygt beinbrot, bilen blei taua vekk.
Kjetil Vasby Bruarøytysdag 09. okt. 2012 00:34
Måndag klokka 21.10 kom meldinga om trafikkuhell mellom Er-An på Røykenes og avkjørsla til Tømmernes frå E39.
– Bilen hadde retning Os då hjorten hoppa ut i vegen, fortel viltkontakt Espen Andersen til Midtsiden.no.
Kvinna som kjørte bilen skal ha kome uskadd frå kollisjonen med hjorten.
Over vegen med beinbrot
Andersen var med og søkte etter dyret, som først hadde stukke ned mot elva, men så tatt seg over vegen og opp i skråninga den kom frå.
– Hjorten reiste seg ikkje då vi nærma oss, vi gjekk opp til vi var 20 meter frå dyret før han blei avliva med eit skot.
Den eine foten til hjorten var broten tvers av. Truleg hadde den også andre skader.
Bilen var så skadd at den måtte tauast vekk etterpå.