Hjort i tunell og innanfor viltgjerde
Politiet fekk melding om hjort på og ved E39 tre ulike stadar.
Både torsdag morgon, torsdag kveld og natt til fredag har politiet blitt varsla om hjort på og ved E39.
Klokka 07.35 torsdag kom det melding om hjort tett på E39 i 100-sona mellom tunellane i Endalausmarka.
– Vegtrafikksentralen blei varsla og fartsgrensa blei midlertidig sett ned, fortel politioverbetjent Anne Lyssand.
I 22.20-tida kom ny melding frå same terreng, då var det fleire hjort som gjekk på innsida av viltgjerdet.
– VTS såg ikkje dyra på kamera, men varsla viltkontakt, som rykte ut til staden.
Litt over midnatt, klokka 00.30, kom det melding om hjort i 80-sona inni Liafjellstunnelen.
– Ein patrulje køyrde ut og blei vitne til at hjorten sprang ut av tunellen og til skogs.
Torsdag morgon fekk politiet melding om fuglejakt i Liafjellsområdet. Dette er, så vidt Midtsiden kjenner til, jaktområde for fugl, og det er jakttid på fleire artar om hausten.
Sjå detaljar om jakttider på ulike artar på lovdata.no.
I tillegg har politiet hatt fartskontroll i 80-sona frå Svegatjørn til Moberg.
Den omtalte vi i går - sjå under relaterte saker.
