Historisk UKM

Bildeserie:

Full skjerm

1 av 21

Laurdag var det på ny tid for å ta pulsen på den kreative ungdomen i Os og Fusa.

Årets UKM skulle eigentleg vera ein del av åpningshelga til den nye fleirbrukshallen i Fusa, men grunna forseinkingar med å få ferdig hallen, vart arrangementet flytta til samfunnshuset i Eikelandsfjorden.

Ungdomsstyrt

Fleire av dei 64 ungdomane som var påmeldt på mønstringa, hadde leiande roller i arrangementet.

UKM-veteran, Natasja Smørholm, hadde rolla som arrangements-ansvarleg saman med kulturleiar i Fusa kommune, Erik Vangsnes. Mange av ungdomane hadde allereie vore i sving i mange timar då mønstringa vart opna for publikum klokka fire.

Samfunnshuset i Fusa kan vera ein utfordrande arena for forsterka lyd, men arrangementet vart prega av eit tøft lysshow, og med lyd som var med og løfta prestasjonane frå scenen.

Gitar-augneblink og sterk osing frå Odda

Spesielt for mønstringa i år, var at fleire av innslaga var frå tilreisande ungdomar frå Bergen. Desse hadde ikkje hatt mogelegheit til delta i Bergen si mønstring, men fekk moglegheien til å visa seg fram i Fusa.

Showet starta med ein kort og kul film fra osingen Marie Steinum, før det var bar vidare til song og gitar frå Johan Sebastian Knutsen-Marøy, ein av gjestane frå Bergen.

Blooming Bruises frå Fusa er eit band som har delteke på UKM før. Då med coverlåtar.

I år stilte dei med eigne låtar. Tida i øvingslokalet har gjort susen, og sjølv om gitarist, Benjamin S. Austestad ikkje fekk liv i gitarforsterkaren sin før det nesten var for seint, repliserte han godt på situasjonen med å levera ein botnsolid gitarsolo då det endeleg vart futt i forsterkaren.

Osingen Kristina Andreasson Dale byrjar etterkvart å bli eit kjend fjes i UKM-samanheng, og i år bar ho låta «You Raise Me Up» åleine frå scenen.

Joakim Austrått Kristensen er frå Odda, men går for tida på Kongshaug musikkgymnas. I eit veldig personleg innslag fekk publikum sjå dans og høyra sterk song frå 17-åringen.

Kunst, song og tøffe jenter frå Bergen

Arrangørane hadde vald å leggja inn ein kunstpause halvegs gjennom programmet. Ikkje berre for å ha ein pause, men for at publikum skulle få gå å sjå nærera på kunst-utstillinga, som òg er ein del av UKM.

Heile 14 lokale kunstnarar frå Os og Fusa sette ramma for ei flott utstilling.

Etter pausen fekk publikum ein god miks av jazz, duo-song og danse-innslag.

Før dansegruppa Amara-G frå Fusa avslutta mønstringa, fekk publikum ein god dose rock frå jentene i Revers. Bergensbandet sette tydeleg stor pris på å få spela på UKM-mønstringa til Os og Fusa.

Historisk mønstring

Med samtlege deltakarar i ryggen, nytta Erik Vangsnes tida etter siste innslag å minna publikum på kor historisk nettopp denne mønstringa var;

– Etter sju år med samarbeid om UKM, vert no Os og Fusa no éin kommune. Til neste år vert det UKM som Bjørnafjorden kommune, og då er det éin kvote juryen skal vurdera ut ifrå.

Samtlege deltakarar fekk diplom og ei rose som takk for innsatsen. Årets jury, beståande av Stine Kobbeltvedt, Morten Holmefjord og Bo Mathys vil i løpet av dei nærmaste dagane offentleggjera kven dei har vald å senda vidare til fylkesfestivalen som går av stabelen i Oseana, helga 5. til 7. april.