Lysekloster hadde tre poeng meir enn motstandar då dei i dag tok imot Brattvåg, laget som stjal opprykket til Lysekloster i 2015 i same slengen som dei sendte Os ned i 4. divisjon.
Brattvåg stilte med Kristian Hjelvik Halvorsen, som var ein av Os sine viktigaste spelarar før han i 2022 reiste nordover igjen.
Gjestane fekk òg den beste starten, og leia 2-0 til pause.
Jacob Jacobsen Bolsø reduserte tidleg i andre omgang, Marceli Wawrzynkiewicz utlikna i 76. minutt.
Tre minutt seinare snudde Thorstein Horneland Hildal kampen til 3-2 til Lysekloster.
Men då Wawrzynkiewicz var sist på ballen i eige nett, i 86. minutt, låg det an til poengdeling.
På overtid fann likevel Hildal nettmaskene igjen, og Lysekloster vann 4-3.
Lysekloster blir liggande på 5. plass, men er no berre tre poeng frå 2. plass på tabellen etter at Viking 2 tapte for Arendal.
Neste kamp går borte mot Jerv på 4. plass, så her har dei sjanse til avansement.
- Tabell og terminliste på fotball.no