Sport | 20. jan. 2017
Haugsdal blir assistent-trenar
Børge Haugsdal inn i trenarteamet til Lysekloster.
Andris Hamrefredag 20. jan. 2017 20:14
Dei siste åra har han vore sportsleg leiar for fotballen i Gneist. No tek han turen over Fanafjellet og blir hjelpetrenar til Ruben Hetlevik i Lysekloster.
– Hovudoppgåvene vil vera trenarutviklar, spelarutviklingstiltak og å utarbeida og sette i verk ny sportsplan på alle nivå i klubben, fortel klubben i ei pressemelding.
Børge Haugsdal (44) bur på Sandsli, men kjem frå Kalandseid. Som spelar har han vore i ei rekke klubbar i Bergensområdet, blant anna i konkurrenten Os i 1997/98-sesongen.
Haugsdal har UEFA B-lisens som trenar og har vore bidragsytar i Hordaland Fotballkrets si trenerutdanning som instruktør på UEFA C-lisenskurs og på barnefotballkvelder.