Hattrick av Myrlid
Serieleiar Hødd kan auka forspranget, mykje takka vera spissen frå Os.
– Det blei litt få skåringar på meg i vår, men no ser det ut til å bli fleire, sa Elias Heggland Myrlid etter at han skåra eitt av måla då Hødd slo Lysekloster førre søndag.
– Eg trivst godt her oppe, klubben driv proft og vi har hatt ein god sesong så langt.
I dag spelte serieleiar Hødd borte mot Arendal. Hødd vann 6-1 (3-1).
Myrlid skåra det første og dei to siste måla i kampen (i 25., 68. og 77. minutt).
Etter tre skåringar i vår og no, fem mål på tre kampar, er han oppe i 8 totalt.
Dermed deler Elias 4. plassen på toppskårarlista for PostNord avdeling 1 med Lysekloster sin Alexander Dang.
Hødd leier no med 10 poeng på tabelltoar Jerv, som har éin kamp mindre spelt.
Dei auka forspranget til tabelltrear Eik Tønsberg, som spelte 1-1 mot Vard Haugesund i 18. runde.
