Politi | 25. sep. 2022
Har skrive ut fem forelegg i Lepsøykrysset
Torsdag og laurdag var det fleire som fekk store forelegg og tre prikkar på førarkortet.
Kjetil Vasby Bruarøysundag 25. sep. 2022 08:15
Laurdag hadde UP trafikkontroll i krysset mellom E39 Halhjemsvegen og Lepsøyvegen.
To bilar stoppa ikkje heilt opp ved skiltet frå Lepsøyvegen inn på E39, opplyser politiet på Twitter.
Det gir 7.450 kroner i forelegg og tre prikkar på førarkortet (seks prikkar om du er i prøvetida).
Også torsdag var det kontroll i Lepsøykrysset. Lokal patrulje registrerte i 14.40-tida tre bilar som ikkje stoppa.
Dei fem bilistane må med andre ord ut med til saman 37.250 kroner etter desse to kontrollane i det ulykkesutsette krysset.
