Fotball | 23. aug. 2024
Har signert spelar frå Førde
Lysekloster har styrka stallen.
Kjetil Vasby Bruarøyfredag 23. aug. 2024 17:27
Lysekloster presenterer Edvin Dvergsdal Brattreit som ny spelar før morgondagens heimekamp mot Notodden.
Edvin Dvergsdal Brattreit er back og har signert ut 2026 når han no går frå Førde til Lysekloster.
– Eg ville ta steget opp frå 3. divisjon, og då var Lysekloster den første klubben eg tenkte på, seier Edvin ifølgje Lysekloster si heimeside.
20-åringen har vakse opp i Førde il og har i alt 29 kampar for Førde sitt A-lag, 18 av dei i år. Han skåra blant anna i kampen der Førde slo Bjarg 4-3 borte.
Lysekloster ligg på 5. plass etter tap for Hødd i førre runde, men har berre to poeng opp til 2. plass på tabellen.
Notodden ligg på 10. plass.
