Har redningsdykkarar i beredskap
Eit helikopter har styrta på Turøy på Sotra. Redningsdykkarar frå Os Brannvesen står i beredskap.
Klokka 11.55 fredag styrta eit helikopter på veg frå Gullfaks-feltet på Turøy på vestiden av Sotra.
– Ombord i helikopteret var det 13 personar, stadfestar fungerande kommunikasjonsrådgjevar Stig Losnegaard hos Vest politidistrikt.
Redningsetatane slo full alarm og rykte ut med alt tilgjengeleg mannskap.
– Vi hadde fire redningsdykkarar som var på vei til ulykkesstaden, men blei omdirigert. Dei er no i beredskap på hovedstasjonen i Bergen, fortel brannsjef Stein Gjøsund.
Helikopteret har totalhavarert. Klokka 13:15 meldte hovedredningssentralen at det ikkje er teikn til overlevande ved vraket.
– Politiet kan stadfesta at det er funne omkomne etter ulykka. Det er akkurat no ikkje verifisert kor mange, skriv Losnegaard i ei pressemelding kl 1412.
Fleire osingar jobbar på Gullfaksfeltet, men det er førebels uvisst om nokre av desse var ombord.
Statoil har satt beredskapsorganisasjon
Alle dei 11 passasjerane jobba i Statoil. Selskapet opplyser at helikopteret var på veg frå Gullfaks B til Flesland.
Helikopteret var eit CHC-helikopter. Statoil har satt alle trafikkhelikoptere av tilsvarande type midlertidig på bakken.
Dei har mobilisert sin beredskapsorganisasjon og oppretta ein pårørandetelefon på 800 500 20.