– Har kontroll på hovudhuset
VIDEO: Sløkkinga held fram på Steinneset, men brannvesenet har no konroll på brannen i bustaden.
Bildeserie:
Det var klokka 14.32 onsdag at Os brannvesen rykte ut på brann i ein bustad på Steinneset.
– Eg kjente svilukt og lurte på om det var nokon som brann bål i nærleiken. Men så kom ein turgåar og fortalte at det var brann i bustaden, fortel Kjell Røttingen.
Røttingen er murmeister og jobba på eit hus i nabolaget då brannen blei oppdaga. Det var murmeisteren som varsla brannvesenet.
– Høyrde eiit smell
Det var ingen inne i bustaden då det byrja å brenna.
Midtsiden kom til staden rett før brannvesenet og rett etter at huseigar, lokalpolitikar Laila Reiertsen, kom heim etter eit kort ærend på Os.
– Eg var heimefrå i ti minutt. Rett før eg kjørte til Os høyrde eg ein smell, og tenkte det var eit lynnedslag i nærleiken, fortel Laila.
Brann i to etasjar
Os brannvesen kom raskt til staden og starta sløkking i første- og andre etasje.
– Vi har no kontroll på brannen i hovudhuset, melder brannsjef Stein Gjøsund klokka 15.30, ein time etter at brannen blei varsla.
Sløkkinga pågår no i eit uthus nær bustaden. Os brannvesen har fått assistanse frå Fana og har fleire røykdykkarar inne i huset.
Julelysa i flaggstanga, som får straum frå bustaden, lyste heilt til BKK klatra opp i ei mast og tok straumen.