Har gjort vedtak om munnbind
Kommunal kriseleiing har hatt møte i dag.
Kommunal kriseleiing i Bjørnafjorden kommune har i dag, onsdag 17. november, vedtatt ei anbefaling om bruk av munnbind.
Dei anbefaler munnbind alle stadar der du ikkje kan halda minimum ein meters avstand.
Det vil seia for eksempel;
- kollektivtransport
- kjøpesenter
- butikkar
- arrangement
Det er òg innført bruk av munnbind for besøkande til sjukeheimane i Bjørnafjorden.
– Det er berre eit tidsspørsmål før vi ser endå høgare smittetal i vår kommune. Difor er det så viktig at vi alle saman gjer det vi kan for å bremsa og stansa utviklinga, seier kommuneoverlege Klaus Melf i ei pressemelding.
Kommunen oppmoder no også alle vaksne som ikkje har vaksinert seg, å bestilla time for vaksinasjon.
Dei gjer det også endå lettare å få tak i hurtigtest, frå fredag kan du blant anna henta på Oseana. Har du symptom kan du likevel henta, men då med munnbind på.
Vi har no hatt tre veker på rad med over 20 nye smittetilfelle per veke.
