Har du sett Alexander?
Politiet starta måndag ettermiddag søk etter Alexander Holsen.
Alexander Holsen, 29 år, er meldt sakna frå Os i Hordaland.
Siste stadfesta kontakt med Holsen var onsdag 4. oktober, opplyser politiet i ei pressemelding.
• Les òg: Førebur leiteaksjon
Alexander Holsen er 168 cm høg, har normal kroppsbygning, kort, mørkeblondt hår og lys hud.
Det er ikkje kjent kva han var kledd i da han forsvann, men Holsen går ofte med lue, blå ytterjakke, tynn strikkegenser, grå eller sort joggebukse, og svarte eller kvite joggesko. Han kan ha gått med solbriller.
Politiet går ut med etterlysing med namn og bilde i samråd med familien.
Politiet ber folk som har tips eller observasjonar knytt til Alexander Holsen om å ringe tipstelefon 480 02 480 eller 02800.
Politiet har varsla frivillig leitemannskap frå mellom anna Røde Kors som eit førebuande ledd til ein eventuell leiteaksjon.